Marie! – Schäpp noch jet mieh!

Dieses »Kölner Kriegsküchenlied« aus dem Jahr 1916 textete Ostermann auf die populäre Melodie »Maria, o Marie« aus der Operette »Das Fräulein vom Amt« (Berlin, 1915) von Jean Gilbert (d. i. Max Winterfeld, 1879–1942). Die Kriegsküchen wurden in den Notjahren ab 1915 eingerichtet. Für 30 Pfennige gab es dort eine Suppe.

Nä, wat es dat fein, zwesche zwölf un ein
kütt un schleiht Alarm minge neue Schwarm:
Marie heisch dä Stern, e Pößje hochmodern
hät it bei der Stadt, et mäht Minsche satt.
Stolz em wieße Kleid it om Wage steiht,
wer mem Kümpche kütt, sie Portiönche kritt.
Jo mer muss et sin als Julaschkönijin!
Wenn it am schäppe es, denk jeder janz jewess:

Marie, schäpp noch jet mie, loss blos dä Deckel en de Hüh.
Och, wenn do wöss, Marie, dein Menü schmeck wie noch nie.
Marie, Marie, schäpp noch jet mie, loss blos dä Deckel en de Hüh.
Ne Löffel mie deiht dir nit wieh, Marie, schäpp noch jet mie.

Unger uns jesaht, et Marie nit spaat,
op ne Löffel mie kütt et däm Marie
secherlich nit ahn. Voll die Döppen dann
mäht it bes zum Rand zum Wohl fürs Vaterland.
England kritt uns nie klein, wenn et Marie
uns schäpp feste uus, sin mir fein eruhs.
Denn wer, op mie Woot, hät die Koss jekort,
rööf janz secherlich dann bestemmb wie ich:

Marie, schäpp noch jet mie...

Dressig Pfennije koss blos dat Dinee,
wer et hät probeet, jlich sich aboneet.
Un wat well mer mie, deiht doch et Marie
he för jedermann alles wat et kann.
Mancher sich nur frög, jeder wesse mög,
wo es dat Revier, wo hät it de Kier?
Nä, dat sag ich nit, ich weiß doch, wat dat jitt,
Morjen alles jeiht met d'r Kump un schreit:

Marie, schäpp noch jet mie...

»Maria, o Marie« aus »Das Fräulein vom Amt«

Jean Gilbert, Berlin, 1915