Madeirafahrt

Wie das Lied »Madeira« entstand dieses Gedicht vermutlich während oder direkt nach der Madeira-Fahrt der nationalsozialistischen Organisation »Kraft durch Freude« (KdF), an der Ostermann als Unterhaltungskünstler wohl im Frühjahr 1936 teilgenommen hat.

Met Koffere bepack – d’r Schweiß op d’r Steen
kohm morgens ich ahn – en Hamburg öm zehn.
Met ömgetusch Geld eren en de Kajütt
un dann widder eraus, ens sin wat et al gitt.
Ja, wat ich erläv – wat ich all gesin,
dat richtig zo scheldere – geiht gar nit he hin.
Ich sohch all die Minsche, die am Ufer stunte,
wie neidlos se winkte, die nit metfahre kunnte.
Vielleich hät sich mancher gedach un gesaht,
wat hück nit soll sin, weht später gemaht.
Un jetz geiht et loß, met Volldampf juchhe!
Der Sonne entgegen auf wogender See.
Die Musi setz en, die Männer, die Weechter,
die han ald en drei Dag ganz andere Geseechter.
Die blaß vum Schruvstock un d’r Hubbelbank kohme,
op eimol en ganz andere Färv annohme.
Wie sorglos se all op de Liegestöhl loche
un sich üvver gar nix d’r Kopp zerbroche.
Wie Morgens beim Fröhstöck woht schwadroneet,
wie nett se sich ovends vörher amüseet.
Och han ich gesin, wenn de See dann un wann
ging huh – wie von selvs geschunkelt se han.
Un dat ganz besonders em Golf von Biskaya,
do ging et op eimol – wie heia popeia
met uns hät de Mutter als Kind off gemaht,
et woht mänchem anders – unger uns gesaht.
Ich selver, weil ich dat jo och nit gekannt,
ich hab’ mich ergeben mit Herz und mit Hand.
So geiht et jetz wigger op Lissabon ahn
un dann noh Madeira – et flattert de Fahn
om Scheff huh am Maß – öm fähn un noh
de Fremde ze zeige – mer sin immer noch do.
Un wenn no dat veezehndägige Glöck
eß widder vörbei – un mer kumme zoröck,
dann hät mer noch eimol su vill Loß am Geschäff,
dat danke mir all dann der K.d.F.

Hamburg, 15. März 1936

Abfahrt der KdF-Schiffe »Der Deutsche« und »St. Louis« von Hamburg nach Madeira