Heimweh nach Köln

In Köln am Rhing bin ich gebore,
ich han – un dat litt mir im Senn –
ming Muttersproch noch nit verlore,
dat eß jet, wo ich stolz drop ben.

Wenn ich su an ming Heimat denke
un sinn d’r Dom su vür mer stonn,
|: mööch ich direck op heim an schwenke,
ich mööch zo Foß noh Kölle gon. :|

Ich han su off vum Rhing gesunge,
vun unsem schöne deutsche Strom;
so deutsch, wie he ming Leeder klunge,
su deutsch blieb Köln met singem Dom.

Wenn ich su an ming Heimat denke…

Un deit d’r Herrgott mich ens rofe,
dem Petrus sagen ich alsdann:
»Ich kann et räuhig dir verzälle,
dat Sehnsucht ich noh Kölle han.«

Wenn ich su an ming Heimat denke…

Un luuren ich vum Himmelspöözche
dereins he op ming Vatterstadt,
well stell ich noch do bovve sage,
wie gän ich dich, mie Kölle, hatt.

Wenn ich su an ming Heimat denke…