Allerhand Puppchen

Et hät dat Leed vun Puppchen uns stabeljeck jemaht.
Denn jeder hät vum Puppchen nur noch de Muhl jeschwat.
D'r Metzjer singk et Puppchen, murks hä de Firke av,
d'r Schuster bröllt beim Öhde et durch de Nohnerschaff.
Selvs dä Jerichtsvollzieh'r beim "klevve" singk wie mir:

Puppchen, du bist mein Augenstern,
Puppchen, ich klebe jar zu jern.
Puppchen, mein liebes Puppchen,
dä Jläub'jer bääf, dä Mann dä kläv.
Puppchen, op jedes Möbelstöck
hä dann dat preußisch Pflaster dröck.
hät hä sing Aufjab fähdig,
dann säht hä schön,
ich muss jetzt jehn, auf Wiedersehn.

D'r Lambät kütt bedrunke öm vier Uhr Naaks no Huhs.
Un trick sich dann em Huhsflur janz hösch de Stiffle uhs.
Hä wollt, dat in et Laura no jo nit höre soll:
Do schreit it schon vun bovve: Bliev do, do halven Doll:
Un wie et Laura schängk, hä ahn zo singe fängk:

Puppchen, du bist mein Ideal.
Puppchen, wo för dann dä schandal.
puppchen, mein liebes Puppchen,
komm her du Schwarm in meinen Arm.
puppchen, su fängk et Laura ahn;
Puppchen für dich mer sage kann.
Puppchen, jrad wie et Puppchen
su sühs du uhs
küss do des Ovends voll no Huhs.

Et Trina jeiht mem Emmer nom Stall des morjens fröh,
för fresche Milch zo holle, wie immer bei de Köh.
Un wie no jetz mem Melke sich jov et Trina dran,
do sohch met jroße Auge die Koh et Trina ahn.
Die "Bläss" et komisch fung, weil et beim Melke sung:

Puppchen, die Koh drieht sich eröm.
Puppchen, wat es dann dat för'n Stemm?
Puppchen, mein liebes Puppchen,
die Koh, die laach un hät jedaach,
Puppchen, su säht die Mäd för mich.
Puppchen, dat klingk su wonniglich.
Trina, mein liebes Trina jlich komm un hol
dir noch nen Eimer voll!