Kölsch - die Sprooch

Kölsch kann mer nit nor drinke, mer kann et och schwaade, un dat weed he in Kölle immer noch jään jedonn, och wann sich uns Sproch schon av un zo ens jet verändere deiht.
Domet mer noch weiß, wie jet op Kölsch richtig jesaat weed, och wann mänche Lück dat vielleich ja nit mieh för fing jenooch haale un leever op Huhdütsch schwaade, jitt et sujar en richtije Akademie för uns kölsch Sproch, wo mer dat dann noch ens richtig liere kann - un usserdäm maache die och vill andere schön Saache op kölsch - loort ens do vürbei.
Dat sin ävver nit de einzigste, die sich för dis herrlich Sproch interesseere un ensetze, dat dun och noch e paar andere Lück - un e paar vun denne künnt ehr he finge:

Dä Link kütt noch - waat noch e beßje av!

Am schönste ävver es Kölsch, wann et jesunge weed - un dat dun och janz vill Lück vun Hätze jään. Dozo jehüüre och de Kallendresser.