Wenn einer jett om Häzze hät

(Ich ben der Stadt-Anzeiger)


Vor sechzig Johr do kom ich als klitzekleine Held
he en d'r Breitstroß plötzlich des Morgens op de Welt.
Ich woht als Kind verdrivve, ich moht en jedes Huhs,
öm mich wohd vill jejevve, bahl wor ich fein eruhs.

Ich ben der Stadt-Anzeiger, dat Blatt för Ärm un Rich.
Wenn einer jet om Hätze hät, kütt einfach nor bei mich,
bei mich, bei mich, dat andre maachen ich,
bei mich, bei mich, dat andre maachen ich!

Ben minge Jang jejange, un an de jroße Klock
wohd dat met Rääch jehange,wenn einer jet verbrock.
Un wer ens jet verlore un fung zo mer d'r Wäg,
dä hät durch mich die Johre et meeschtens widder kräg.
Ich ben der Stadt-Anzeiger...
Ich han der älste Jungfer em letzten Augenbleck
durch ein Annonks verholfe zum schönsten Ehejlöck.
"Die mit dem jrüne Jäckchen", wat söns im nit jelung,
hä em Seufzereckchen en Woch drop widder fung.

Ich ben der Stadt-Anzeiger...

Wer Hüser well verkaufe, un wer sich Jeld ens borg,
dä bruch nit rund zo laufe, dat weed durch mich besorg.
Ejal wat hück em Levve su alles weed jemaht,
dat es d'r Stadt - Anzeiger met singem Inserat.

Ich ben der Stadt-Anzeiger...

----------------------------------------------------------------------

NEUE FASSUNG
1949, Willi Breuer

Wenn einer jet om Hätze hät,
kütt einfach nor bei mich,
bei mich, bei mich,
dat andre maachen ich!

Vör vill Johrzehnte do kom ich
als klitzekleine Held
he en d'r Breitstroß plötzlich
des Morgens op de Welt.
Ich woht als Kind verdrivve,
ich moht en jedes Huhs,
öm mich wohd vill jejevve,
bahl wor ich fein eruhs.

||: Ich ben der Stadt-Anzeiger,
dat Blatt för Ärm un Rich.
Wenn einer jet om Hätze hät,
kütt einfach nor bei mich,
bei mich, bei mich,
dat andre maachen ich,
bei mich, bei mich,
dat andre maachen ich! :||

Durch mich do ka'mer sage,
wat mer om Hätze hät.
Met jedem sich verdrage
dat fing ich doch su nett.
Mie Woot, dat hät et en sich,
ich helfe alle Lück.
dröck dich d'r Schoh, dann frog mich
ömRot un do häs Jlöck.

Ich ben der Stadt-Anzeiger...