Et geiht nix för 'ne richt'ge Polkaschrett

Wenn mer fröher nohm Kohberg danze jing,
wo däm Franz et Sting en de Ärme hing,
ne Polka jede Vedelstund mer bestemmb met rechne kunnt.
Do sohß kei Päärche stell, et jing em Stribb - strabb - strell
no d'r Musik immer noch ens rund.

Et jeit nix för 'ne richt'je Polkaschrett,
haste nich jesehn, o, wie wunderschön,
do kann d'r Ohm un de Tant noch met,
haste nich jesehn, wie schön.
||: mer setz ehz links dann rächs et Bein
nohm Tack d'r Musik vun enein,
un schrumm, es mer tirek em Trett
beim Polka - Polkaschrett. :||

Ne Bläck - Boddem, oder wie dat Zeug,
ov dat Schimmy heisch, wor dat schön vielleich!
D'r Pazzendubbel - Fox und Trott danzen däht d'r kleinste Krott.
Und dat Ein saht ahn, wat es Kangkan dann,
joht mer met dem Krohm blos fott.

Et jeit nix för 'ne richt'je Polkaschrett,...

Wenn nohm Schötzefess voll Seligkeit,
em verdröckte Kleid, jeiht Adelheid,
wo d'r Franz dann för die weiße Blus nimmb e Täschedooch erus,
ävver dann och nur, bei d'r Extratour
kennt hä sich am allerbeste uhs.

Et jeit nix för 'ne richt'je Polkaschrett,....